Þann 27. ágúst n.k. mun Reiknistofa bankanna, í samstarfi við hjólreiðafélagið Tind og Kríu hjólaverslun, standa fyrir götuhjólakeppni umhverfis Þingvallavatn. Ræst verður við Útilífsmiðstöð skáta Úlfljótsvatni og hjólað umhverfis Þingvallavatn. Leiðin liggur um ægifagra náttúru Þingvalla og nágrennis.

Hægt er að velja á milli tveggja vegalengda, 127 km (2 hringir – A flokkur) og 65 km (1 hringur – B flokkur). Keppt verður í bæði karla og kvennaflokki. Keppnin hentar götuhjólum best, enda að mestu leiti á malbiki. Það felur þó í sér ákveðna áskorun að um 10 km kafli er á möl og gerir það keppnina þeim mun áhugaverðari. Malarkaflinn er þó fullfær götuhjólum. Þetta í þriðja sinn sem keppnin er haldin en metþátttaka var í mótinu 2015 en alls voru tæplega 300 keppendur skráðir til leiks sem er u.þ.b. helmingi meiri þátttaka en árið 2014. Allir bestu hjólreiðamenn og konur landsins munu taka þátt í A flokki og hjóla 127 km en keppnin er bikarmót í bikarmótaröð HRÍ. Stærsti hluti skráninga er þó í B flokki en þar hjólar fjöldinn allur af áhugafólki sér til skemmtunar í bland við keppnisskapið.

Vegleg peningaverðlaun eru í boði fyrir þá sem fara lengri vegalengdina eða 127 km. Heildarvirði peningaverðlauna eru um 210.000 krónur og eru 50.000 kr. í boði fyrir fyrsta sætið. Auk þess verða veitt glæsileg útdráttarverðlaun og má þar nefna Specialized Roubaix götuhjól að verðmæti 320.000 kr. Í boði Kríu hjólaverslunar. Besta myndin í Instagram leik keppninnar verður valin og fær sá heppni flott hernartól frá Nýherja og gjafabréf frá Grillmarkaðinum.

Nánar um keppnina: RB Classic 2016