Skrifstofa SSF - Nethyl 2E - 110 Reykjavík - 540 6100 - ssf@ssf.is

VIRK starfsendurhæfing

VIRK starfsendurhæfing

 
SSF er aðili að VIRK starfsendurhæfingarsjóði og eiga félagsmenn SSF því sjálfkrafa möguleika á að nýta sér þjónustu sjóðsins.

Félagsmönnum SSF í veikindum er bent á þjónustu VIRK . www.virk.is

Meginskilyrði fyrir aðstoð hjá VIRK eru tvö:
o Að viðkomandi geti ekki sinnt starfi sínu eða tekið þátt á vinnumarkaði vegna hindrana af völdum heilsubrests sem rekja má til veikinda eða slysa. Um er að ræða fjarvistir frá vinnu í lengri tíma eða mjög tíðar skammtímafjarvistir vegna heilsubrests af andlegum eða líkamlegum toga. Miðað er við að einstaklingur sé með vottaðan heilsubrest frá lækni þegar hann kemur til ráðgjafa VIRK.

o Að markmið einstaklings sé að verða aftur virkur þátttakandi á vinnumarkaði, eða auka þátttöku á vinnumarkaði, svo fljótt sem verða má.

Auk þess er nauðsynlegt að:
o Geta og vilji sé til staðar til að taka markvissan þátt í starfsendurhæfingunni. Viðkomandi þarf að vera fær um að axla ábyrgð á eigin lífi, geta tekið þátt í athöfnum daglegs lífs og sinnt nauðsynlegum þáttum endurhæfingar/starfsendurhæfingar.

o Þjónustan sé líkleg til árangurs á þeim tíma sem hún er veitt.

o Samráð sé við viðeigandi aðila, s.s. heimilislækni, meðferðaraðila og atvinnurekanda þegar við á.

VIRK ráðgjafar sem þjónusta félagsmenn SSF:
Guðleif Birna Leifsdóttir gudleif@bhm.is sími 5955122,  Kristbjörg Leifsdóttir kristbjorgl@bhm.is  sími 5955123 og Þóra Þorgeirsdóttir, thora@bhm.is sími 5955127, starfa sem ráðgjafar hjá VIRK og þjónusta félagsmenn SSF. Ráðgjafar eru staðsettir í Borgartúni 6.  Hægt er að hafa samband við ráðgjafa í síma eða með tölvupósti.

 

Search