Valdís Inga, trúnaðarmaður Íslandsbanka á Akranesi

Nú er komið að því, launakönnun SSF 2023 er að hefjast á morgun 1.nóvember.

Á allra næstu dögum munu félagsmenn SSF fá í hendur umslag um launakönnun SSF og margir hverjir hafa jafnvel fengið hana í hendur nú þegar.

Í umslaginu er slóð fyrir launakönnun (á vegum Gallup) og lykilorð, sem jafnframt er happdrættisnúmer þar sem 50 veglegir vinningar verða dregnir út þegar könnun lýkur. Einungis þeir sem svara launakönnun og senda eru með í happdrættispottinum.

Svör við launahluta könnunarinnar eiga að miðast við launaseðil 1. nóvember 2023 (fyrirframlaun fyrir nóvember og eftirágreidd fyrir október).

Mikilvægt er að sem flestir taki þátt til þess að auka marktækni könnunarinnar. Í könnuninni 2021 var um 79% þátttaka sem er verulega mikið miðað við kannanir af þessu tagi og niðurstöður því mjög marktækar.

Svarfrestur í könnuninni er til 10. nóvember, en auðvitað er best að svara strax 1. nóvember.

Eins og áður segir gildir lykilorðið sem happdrættisnúmer og því er mikilvægt að geyma blaðið með lykilorðinu vel.

Nú er bara að drífa sig og setja sig í stellingar og svara launakönnun SSF fyrir 10 nóvember. Hún er eitt okkar besta vopn í kjarabaráttunni og því meiri þátttaka, því beittara vopn.

Ef einhver verður útundan við dreifingu á könnuninni er bara að hafa samband við trúnaðarmann eða skrifstofu SSF. Senda má póst á [email protected] eða hringja í síma 540-6100.