Stjórn SSF hefur ákveðið hækkun á fjórum styrktegundum úr sjóðnum.  Hækkun styrkja á eingöngu við um þá reikninga sem gefnir eru út frá og með 1. janúar 2024

 Sjúkraþjálfun/nudd

Félagsmenn fá styrk vegna meðferðar hjá löggiltum sjúkraþjálfara, sjúkranuddara, kírópraktor eða sambærilegrar meðferðar í allt að 30 skipti á hverjum 12 mánuðum. Styrkurinn hefur verið að hámarki kr. 2.500 fyrir hvert skipti, þó aldrei hærri en 75% af kostnaði. Fá næstu áramótum hækkar upphæðin í kr. 4.000 fyrir hvert skipti, þó aldrei meira en 75% af kostnaði.

Sálfræðimeðferð

Sjóðurinn greiðir styrk vegna meðferðar hjá eftirtöldum viðurkenndum meðferðaraðilum: félagsráðgjafa, fjölskylduráðgjafa, geðlækni eða sálfræðingi. Styrkurinn er greiddur fyrir 10 skipti á hverjum 12 mánuðum og hefur að hámarki kr. verið 11.000 fyrir hvert skipti. Frá næstu áramótum verður styrkurinn að hámarki kr. 15.000 fyrir hvert skipti.

Laseraðgerðir á augum / Augnsteinaaðgerð

Sjóðurinn greiðir styrk vegna laseraðgerða á augum og augnsteinsaðgerða. Endurgreiðsla hefur að hámarki verið kr. 150.000 á hverjum 12 mánuðum. Frá næstu áramótum verður styrkurinn að hámarki kr. 200.000.

Tækni-glasafrjóvgun og ættleiðingar

Sjóðurinn greiðir styrk vegna tækni- og glasafrjóvgana svo og ættleiðinga. Endurgreiðsla hefur að hámarki verið kr. 350.000 á hverjum 12 mánuðum. Frá næstu áramótum verður styrkurinn að hámarki kr. 400.000.