Skipulag

Stjórn SSF

Stjórn SSF kjörtímabilið 2025-2028 er þannig skipuð:

Ungmennaráð SSF

Á þingi SSF árið 2025 var umræða um þátttöku ungmenna í hávegum höfð og flestir sammála um að grípa þurfi til aðgerða til að virkja ungt fólk í málefnum stéttarfélagsins. Í kjölfar þingsins var stofnað Ungmennaráð SSF og í dag eru fjórir meðlimir í ráðinu. Þeir eru eftirfarandi:  

Markmið ungmennaráðsins er að virkja, fræða og styðja ungt fólk, auka sýnileika þess og skapa rými fyrir rödd þess í samtali um kjör, starfsþróun, starfsumhverfi og önnur álitamál sem eru til staðar nú þegar eða eiga jafnvel eftir að skapast á komandi árum. Ráðið leggur áherslu á að byggja upp samfélag þar sem ungt fólk getur tengst, haft áhrif og tekið þátt í skemmtilegum og gagnlegum viðburðum.

Þar að auki tekur ungmennaráðið þátt í viðburðum á vegum alþjóðasamtakanna UNI sem SSF hefur aðild að. Með slíkri þátttöku skapast þekking um réttindabaráttu ungs fólks sem er nauðsynlegt að spegla á milli landa, bæði til þess að læra um hvað við getum gert betur á Íslandi sem og að vera meðvituð og þakklát fyrir hvað við erum komin langt í baráttunni í samanburði við mörg önnur lönd.

Aðildarfélög SSF

Þing SSF

Þing SSF fer með æðsta vald í öllum málum Samtaka starfsmanna fjármálafyrirtækja.  Þing SSF er haldið þriðja hvert ár en þar er stefna SSF mörkuð og kosið til nýrrar stjórnar.

Trúnaðarmenn

SSF býr yfir öflugu neti trúnaðarmanna og eru þeir afar mikilvægir í starfi SSF.

Trúnaðarmenn eru ábyrgir gagnvart SSF og eru tengiliðir samtakanna við aðildarfélögin. Trúnaðarmaður gætir þess, að kjarasamningar séu haldnir og réttur starfsmanna sé í hvívetna virtur. Trúnaðarmenn eru kjörnir annað hvert ár.

Ítarlegar upplýsingar um trúnaðarmenn, hlutverk og kosningu þeirra og fleira má finna undir kaflanum "Trúnaðarmenn".

Erlent samstarf

SSF er aðili að norrænum samtökum starfsmanna fjármálafyrirtækja NFU Vefsíða Norrænu samtakanna NFU er www.nordicfinancialunions.org þar er að finna vefslóðir í aðildarsamtök á öllum Norðurlöndunum. Á vegum samtakanna er fjölbreytt samstarf á ýmsum sviðum.

Formaður SSF á sæti í stjórn NFU og á SSF tvö sæti í miðstjórn NFU.

Í gegnum NFU er SSF jafnframt aðili að alheimssamtökunum UNI fyrir starfsfólk í þjónustustörfum, sjá http://www.uniglobalunion.org/

UNI er skipt upp miðað við starfsgreinar og landsvæði. SSF á þannig aðild að UNI-finance, UNI-Europe auk alheimssamtakanna UNI-Global.

Vefsíður norrænna systursamtaka:

• Danmörk: Forsikringsforbundet og Finansforbundet
• Finnland: PRO  
• Noregur: Finansforbundet
• Svíþjóð: Finansförbundet og Forena