skip to Main Content
Skrifstofa SSF - Nethyl 2E - 110 Reykjavík - 540 6100 - [email protected]

Vinnutímastytting frá 1. janúar 2020

Vinnutímastytting frá 1. janúar 2020

Frá 1. janúar 2020 kemur til framkvæmda vinnutímastytting, sem styttir vinnutíma starfsmanna um 45 mínútur á viku með því markmiðið að ná fram gagnkvæmum ávinningi og bæta nýtingu vinnutíma þar sem því verður við komið.

Meginreglan – einfalt fyrirkomulag
Verði ekki samið um aðra útfærslu á vinnustað eða við starfsmann verður vikuleg vinnutímastytting framkvæmd sem hálfur vinnudagur mánaðalega á tímabilinu 1. september til 31. maí (m.v. starfsmann í fullu starfi sem hefur jafna vinnuskyldu alla virka daga). Skipulag frítökunnar innan hvers mánaðar fer fram á hverjum vinnustað fyrir sig.

Þetta þýðir einfaldlega að
Starfsmaður sem er í vinnu þessa tilteknu 9 mánuði á ½ dag í frítökurétt fyrir hvern mánuð, og ber að nýta réttinn í hverjum mánuði fyrir sig (samtals 9 hálfir dagar í frítökurétt).
Hlutastarfsmenn eiga þennan sama rétt á sínu hlutastarfs-kaupi.

Þessi ákvæði taka gildi 1.1.2020 þannig að fyrsti ½ dagurinn kemur sem réttur í janúar 2020 fyrir þá sem þá eru í starfi.

Aðrar útfærslur – slíkt þarf að skoða vel
Í einhverjum tilfellum getur verið að fyrirkomulagið sem sett er með meginreglunni henti ekki og því gefur ákvæðið möguleika á að semja um útfærslur við einstaka starfsmenn eða hópa innan hvers fyrirtækis. Samninganefndir SSF og SA voru samt sem áður sammála um að fyrirkomulagið sem sett er með meginreglunni sé einfalt og henti stærstum hluta félagsmanna og því leggur félagið áherslu á að farið sé varlega í að semja um annað fyrirkomulag. Séu aðrar hugmyndir á borðinu mælir SSF með að viðkomandi aðilar skoði slíkt fyrirkomulag gaumgæfilega og leggi það fyrir formenn starfsmannafélaga og SSF áður en skrifað er undir.

Search