skip to Main Content
Skrifstofa SSF - Nethyl 2E - 110 Reykjavík - 540 6100 - ssf@ssf.is

Viðmiðunarþak fæðingarorlofsgreiðslna hækkar

Viðmiðunarþak fæðingarorlofsgreiðslna hækkar

Fæðingarorlofssjóður hefur hækkað viðmiðunarþak greiðslna í fæðingarorlofi. Samkvæmt kjarasamningi SSF hækkar mótgreiðsla vinnuveitanda samhliða, samamber grein 6.2.1 í kjarasamningi SSF. Hækkunin tók gildi þann 1. janúar 2019 og nær til foreldra barna sem fæðast 1. janúar 2019 eða seinna. Eftir breytinguna greiðir Fæðingarorlofssjóður 80% launa eða allt að kr. 600.000 á mánuði og vinnuveitandi greiðir 20% á móti að hámarki kr. 150.000 á mánuði.

Allir fastráðnir starfsmenn með laun kr. 750.000 og lægri halda því fullum launum í fæðingarorlofi (80% frá Fæðingarorlofssjóði og 20% frá vinnuveitanda), þeir starfsmenn sem eru með laun yfir kr. 750.000 fá greiddar kr. 150.000 á mánuði frá vinnuveitanda.

Fastráðnir starfsmenn eiga einnig rétt á fæðingarstyrk frá vinnuveitanda, um er að ræða eingreiðslu sem er núna að fjárhæð kr. 78.030.

Search