Ef starfsmaður veikist og getur af þeim sökum ekki sótt vinnu skal hann þegar tilkynna það yfirmanni sínum og verður þá ákveðið hvort læknisvottorðs skuli krafist.

Lágmarks veikindaréttur fastráðinna starfsmanna er 3 mánuðir á fullum launum og þar á eftir 3 mánuðir á hálfum launum.  Athugið að við 10, 15 og 20 ára starfsaldur lengist veikindarétturinn (starfsaldur þar sem greitt hefur verið félagsgjald til SSF), sjá nánar í kjarasamningi SSF.

Veikindaréttur lausráðinna starfsmanna er 30 dagar á fullun launum og þar á eftir 30 dagar á hálfum launum.

Ef til þess kemur að veikindaréttur félagsmanns klárast, eða lækkar í hálf laun, þá á viðkomandi rétt á sjúkradagpeningum úr Styrktarsjóði SSF, sjá nánar úthlutunarreglur sjóðsins.

Nánar má lesa um veikindaforföll og veikindarétt í Kjarasamningi SSF og Trúnaðarmannahandbók SSF.